PAGPANGATIK UG PAGPANGHIMAKAK SA USA KA RELASYON

by Danessa Adino Lazaga

Dili nagkinahanglan ug 'psychic power' aron mahibaluan kung aduna bay pagpangatik o pagpanghimakak nga ginabuhat ang imong hinigugma o 'partner'. Dili malikayan nga sa pang adlaw adlaw na panginabuhi kita makapangatik. Pagpangatik alang sa kaayuhan o alang sa dautan. Apan sa usa ka relasyon, adunay mga aspeto aron mahibaluan ang kalahian sa pagpangatik ug kamatuoran sa usa ka tao nga nagabuhat niini. Ug ang pinaka-importanteng dapat na paga-hinumduman ang pagsalig sa imong kaugalingong huna-huna o ginatawag nga 'instincts'. Ang pagsalig sa 'instincts' mao ang mag-giya o mag-'guide' kanimo aron mahibaluan kung gasulti ba ug kamatuoran ang imong 'partner'.

Usa usab ka giya o 'guide' ang gina-ingon nga 'body language' sa usa ka tao. Adunay mga kabag-uhan sa mga lihok sa imong partner nga magapanghitabo sama sa mga lihok sa iyang mga kamot, bukton, ulo ug pati na ang iyang mga mata. Ang rason kung nganong mag bag-o ang usa ka lihok o 'body language' sa usa ka tao, kay tungod gahuna-huna kini ug mga pamaagi aron ikaw makumbinsi nga siya gasulti sa tinuod. Ang usa usab ka pamaagi aron masuta kung gasulti ba siya sa kamatuoran, ang pagtutok sa iyang mga mata. Sa dinhing bahin, kung dili siya maka-'eye to eye contact', siguradong siya nagapangatik lamang. Adunay mga kahadlok nga masinati ang taong gapangatik kung siya motan-aw sa mata kay tungod dunay mga posibilidad nga siya masakpan. Usa usan sa pamaagi ang mga lihok sa iyang mga kamot samtang siya gastorya. Mamahimong dili siya mahimutang, sige ug lihok o adunay gibuhat samtang nagastorya. Ang atong mga lihok ga-'communicate' samtang kita nagastorya ug pinaagi niini, mahibaluan kung asa ang atik ug ang kamatuoran.

Lisod kung mabutang kita sa parehong sitwasyon. Ang taong gapangatik ug ang taong gina-atik. Sakit ang masinati kung imong mahibalu-an nga gina-atik lang diay ka sa taong imong hinigugma. Dili sayon dawaton labaw na kung kini usa ka dakong sala. Apan kung siguro, sobra ang pagmahal nimo sa usa ka tao, maski unsa ka daghang pangatik ug sala nga iyang mabuhat kanimo, anaa lamang sa imo ang ulahing desisyon kung siya imo gihapong pagadawaton ug pasayloon. Lisod, apan kini ang realidad.